Шәмші Қалдаяқов. «Дүнген қызы» әні (текст)

Oinet.kz 09-02-2020

Түндей тұнық көздеріңнің қарасы,

Қосылардай қастарыңның арасы.

Жалт қарасам, жалын атқан ақ жүзің

Алаулайды атқан таңмен таласып.

 

Қайырмасы:

Қиял қанша ертеді елес,

Дүнген қызы, арманым.

Кез боп келсем ертелі-кеш,

Сенен көзді алмадым.

Өзгені емес, өзіңді ойлап жүдедім,

Түсінер деп бір қазақтың жүрегін.

 

Кімге болсын сүйкімді бір баласың,

Көңілімді баурап алып барасың.

Гүлге орайсың, күнге орайсың жылда сен

Елге жаннат ерке Талас даласын.

 

Қайырмасы.

 

Сені ойлаумен артта суық қыс қалды,

Сені ойлаумен жазғы ұзақ күн қысқарды.

Бақыт жайлы әнді бірге шырқайсың

Қонақтатып қойып бауға құстарды.

 

Қайырмасы.

 

Сөзі: Сабырхан Асановтікі

Әні: Шәмші Қалдаяқов

«Қытайдан қысым көрген дүнгендерді қазақтар бауырына басқан»
Достық туралы шығарма

Сәйкес тақырыптар
Көтерілу
×