Қырғыз елінің заңдарын жазған қазақ екенін білесіз бе?

20-2.jpg

КСРО тарағаннан кейін посткеңестікте пайда болған тәуелсіз мемлекеттер алғашқы кезекте өздерінің конституцияларын қабылдады. Өзбекстан – 1991 жылы, Түркіменстан – 1992 жылы, Қырғызстан және Ресей Федерациясы – 1993 жылы, Беларусь, Молдова, Тәжікстан – 1994 жылы және Әзірбайжан, Армения, Грузия – 1995 жылы, ал Украина – 1996 жылы.

Алғашқы қабылдаған Конституция мемлекет іргетасын қалаған ең қажетті құқықтық механизмдерді бекітті. Оған сол Республикалардағы білікті құқықтанушылар тартылды. Солардың қатарында, жерлесіміз, білікті құқықтанушы Серіқұл Қосақов Қырғызстан Республикасының Негізгі заңын жасаушылар қатарынан табылды. Ол 1993 жылы 5 мамырда қабылданған Қырғыз Республикасының тұңғыш Конституциясының авторы – тәуелсіз елдің Конституциясын жазу үшін ұйымдастырылған арнайы жұмысшытоптың жетекшісі болды.

Бұған дейін, Қырғызстанның «Мемлекеттік тіл туралы», «Қырғызстанның суверенитеті туралы», «Азаматтық туралы» (1989-1993 жылдар аралығында) заңдарды жазуға қатысқан болатын.

Серіқұл Қосақов – Жамбыл облысы, Қордай ауданы, Жаңа тұрмыс ауылында 1945жылы дүниеге келген. Туған ауылында7 жылдық мектепті бітірген соң, көршілес Бішкек қаласында тұратын ағасына шайтан арбамен барып, осында оқуын жалғастырады. Қырғызстан астанасындағы бірден-бір айтулы қырғыз ұлттық гимназиясын үздік дипломмен бітірген оған қырғызағайындар арасында өмір сүруге жазады. Баласағұн атындағы Қырғыз университетінің Заң институтында Конституциялық құқық факультетінің деканы, Әділет министрінің бірінші орынбасары, Республикалық Төрелік сот төрағасы лауазымында жауаптықызметтер атқарады.

Туған жерден өкшесі көтерілген ұл, туғандарынан жібін үзген емес. Әр жылдары туған жерге келіп, тағзым етуді ұмытпаған. Қырғызстан қазақтары Ассамблея төрағасының орынбасары ретінде өз ұсыныстарын Қазақстан үкіметіне беріп отыруда ұмытпаған. Әттең, 1995 жылы Астанада өткен Дүниежүзілік қазақтардың құрылтайында қазақ-қырғыз берлескен университетін ашып, оған Қазақстан президентінің есімін беру туралы өтінішінің жауапсыз қалғанына налып-ақ өтіпті. Бұл күнде Серіқұл ағамыз ортамызда жоқ. Өмірінің соңында Бішкек қаласындағы Манас көшесіне Мұхтар Әуезовке мемориалдық тақта орнатқаннан кейін 2013 жылдың 15 шілдесінде дүниеден өтіпті.          

«Біз білмейтін қазақтар» кітабынан                                                                                             

Мүмкін сізді қызықтыратын тақырыптар:

  • Төле би туралы тың деректер табылды
  • Жалпыламалық білімдер 1200-1300
  • Келіншектау атауы қайдан шыққан?
  • Томирис патшайым жайлы 10 дерек
  • Жалпыламалық білімдер 1150-1200
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика