Діни аңыздарда Ібіліс үш рет еңіреп жылаған деп айтылады. Ең алғаш жұмақтан қуылғанда жылапты. Екінші рет тағдыр тақтасынан өзінің болашағын көргенде бетін жыртып дауыс салыпты. Үшінші рет Мұхамбет пайғамбар туғанда қара жамылып отырып қалыпты. Бетін тырнап, шыңғырған кезі күннің батып бара жатқан сәті екен деседі. Содан бастап «қас қарайғанда жылама, шыңғырма, дауыс салма» деген ырымдар шығыпты. Күн батқанда жылаған адам Ібіліске жақтас боп, оның дауысына үн қосып жылайды деген түсінік бар.

«Отбасы хрестоматиясы»