Солтүстік Қазақстан облысының тұрғыны наразылық ретінде Астанадағы құрылыс кранына шығып, өзін өртеп жіберемін деп қорқытқан, деп хабарлайды Oinet.kz тілшісі Stan.kz ақпарат агенттігіне сілтеме жасап.

Руслан Мұстафин Жамбыл ауданы әкімдігінен шаруа қожалығына арналған өзінің ірі жер учаскесін қайтаруды талап етті.  Бұл оқиғаға қатысты елорда полиция департаментінің баспасөз қызметі түсініктеме берді.

"Осы жылдың 24 сәуірінде сағат 11.39-да 102-арнаға ер адамның мұнара кранына көтерілгені туралы қоңырау түсті. Бұл жерге шұғыл қызметтер дереу жіберілді", - деп түсіндірді ведомство.

Полиция қоғамдық тәртіпті бұзушының іс-әрекетінің себебі анықталып, оған құқықтық баға берілетінін айтты.