М.Әуезов атындағы Оңтүстік Қазақстан университетінің «Әлеуметтік және тәрбие» құрылымының «Рухани жаңғыру және Қазақстан халқы Ассамблеясы» орталығы 2021 жылы 26-30 сәуір аралығында «Шымкент мыңжылдықтар тарихы және қазіргі заман» атты рухани жаңғыру апталығын өтуде. Осыған орай, апталықтың ашылу кезеңінде 26 сәуір күні онлайн жүйеде «Шымкент тарихы мен ХХІ ғасырдағы даму көкжиегі» тақырыбында ғылыми-практикалық конференциясын ұйымдастырды.

Бейнеконференция отырысына Шымкент қаласы туризм басқармасының «Shymkent Tourism Center» туристік ақпараттық орталығы» коммуналдық мемлекеттік мекемесі басшысының орынбасары Омаров Ерлан Сүйіндікұлы“Туризм - қаламыздың даму драйвері” тақырыбында баяндама оқыды.

Шымкенттің 2200 жылдық тарихы мен бүгінгі күндегі тынысын терең ғылыми зерттеу негізінде қаланың алғаш рет пайда болуы мен қалыптасуына және әртүрлі тарихи кезеңдердегі саяси-экономикалық, мәдени, демографиялық дамуына ретроспективалық экскурс жасау; мегаполисті туристерге танымал ету, қаланың дербес келбеті мен сәулетін ілгерілету үшін зерттеулер мен жобалар жасау, білім беру салаларының, инфрақұрылымының, халықаралық қатынастары мен туристік кластер, өнеркәсібінің дамуы мәселесі де қарастырылды.