2200 жылдық тарихы бар Шымқала көрмесінде 200 іс-шара өткен

Oinet.kz 07-04-2021

Screenshot_3.jpg

Үшінші мегаполис өзіндік ерекше мәдениетімен танымал мекен. Оған себеп былтыр карантин режимін сақтай отырып, «ТМД елдерінің 2020 жылғы мәдени астанасы» атағын абыроймен алып шығып, онлайн форматта мәдениетті насихаттап шыққан болатын. Әрі 2200 жылдық тарихы бар көне қаланың мәдениет саласын биіктету мақсатында «Көрме» орталығында да іс-шаралар легі өтті.

Мәдениет саласының үздіктерін, еңбегі елеулі тұлғалармен жақынырақ таныстырып келген болатынбыз, ендігі кезекте қаламыздың мәдени орындары мен нысандары туралы тереңірек білетін боласыздар! Бүгін де көрме орталығы десе, көз алдымызға жиындар, арнайы көрмелер, мерекелік кештер өткізілетін әдемі орталық елестейді. 

Көлемі 2 мың шаршы метрді алатын «Көрме» орталығы әкімшілік-іскерлік орталығы маңында орналасқан. Орталықтың негізгі қызметі мәдениет саласында көрмелер өткізуді қамтамасыз ету, халық-шаруашылық жетістіктері туралы білім мен ақпаратты насихаттау, тарату және жариялау болып табылады. 2013 жылы іске қосылған мекемеде түрлі үлкен дәрежедегі көрме жәрмеңкелер, бизнес-форумдар, конференция, семинарлар сынды 200-ге жуық іс-шара ұйымдастырылған. 

Мекеме басшысы Қарабекова Зухра Әмзеқызы 2013 жылдан бері абыроймен қызмет атқаруда. Тынымсыз еңбегінің арқасында Б.Момышұлының «Батыр Шапағаты» медалінің иегері. Салалық мәдениет, спорт және ақпарат қызметкерлерінің кәсіподағы бірлестігінің «Еңбек даңқы» төсбелгісімен, ҚР Ішкі істер министрлігінің марапаттауы, ОҚО әкімінің және Шымкент қаласы әкімінің алғыс хаттарымен, ОҚО мәслихатының Құрмет грамотасы және білім және мәдениет саласында атқарған қызметі үшін көптеген алғыс хатармен марапатталған.

Ұйымшыл, бірлігі жарасқан ұжым арқасында «Көрме орталығы» жұмысы жанданып, ел игілігі үшін қызметін атқаруда.


Шымкент қызғалдағымен көрікті
Қос қала ішкі туризмді дамытпақ


Сәйкес тақырыптар
Көтерілу
×