Ақтөбе облысының бұрынғы әкімі Ермек Имантаев қамауға алынды. Ол қызмет бабын асыра пайдаланды деген күдікке ілінді, деп хабарлайды "Мой город" басылымы.

Ақтөбе мамандандырылған сотының 10 ақпандағы қаулысына сәйкес, Ермек Имантаевқа қатысты екі ай мерзімге қамауға алу түріндегі бұлтартпау шарасы санкцияланды. Оған ҚР ҚК 361 - бабының 4-бөлігінде көзделген, яғни “Лауазымдық өкiлеттiктерді теріс пайдалану” қылмысын жасады деген айып тағылды.

Алайда, қаулы заңды күшіне енген жоқ.

Еске салайық, Ермек Имантаев 2002 жылғы сәуірден 2004 жылғы шілдеге дейін Ақтөбе облысының әкімі, одан кейін-ҚР Президенті Әкімшілігінің Ұйымдастыру-бақылау жұмысы және кадр саясаты басқармасының, Мемлекеттік бақылау және ұйымдастыру жұмысы бөлімінің мемлекеттік инспекторы, Республикалық бюджеттің атқарылуын бақылау жөніндегі есеп комитетінің мүшесі болды.

2019 жылғы қарашадан 2021 жылғы наурызға дейін "Ақтөбе "Әлеуметтік-кәсіпкерлік корпорациясы"АҚ басқарды.