Қазақстан Республикасының Парламенті Сенатының депутаты Мұрат Бақтиярұлы журналист Нартай Аралбайұлына берген сұхбатында Мәжіліске келген жаңа депутаттар туралы пікір бідірді деп хабарлайды Oinet.kz тілшісі.

Сенатор Мәжіліске өз саласының барлық сатысынан өткен азаматтарды көргісі келгенін айтты. Дегенмен Мәжілісте мұндай азаматтарды көрмегесін жаңа құрамға аздап көңілі толмайтынын меңзеді.

- Мен осы Мәжіліске көбірек заңгер, экономистер келеді деп ойлағам. Заңгер дегендер кімдер? Заңгер дегендер көп жыл сотта, прокуратура, әділет салаларында істеген азаматтар. Олар заңды жақсы біледі. Олар ауданнан бастап Орталыққа дейін заңның бүге-шігесіне дейін білетін азаматтар. Сондай азаматтар көп келеді деп ойлап едім. Дегенмен праймериз бойынша әр облыстардан халықтың алдында жүрген блогерлер өтті. Оған ешқандай дауым жоқ. 

Парламентке сөйлей алатын шешендер керек, халықтың алдында мыңқ-мыңқ етіп тұрмас үшін. Сөзінің салмағы жоқ популистер керек емес. Мәжіліске популистер де өтті. Оны кейін біле жатарсыздар, - деді сенатор.