Сыбайлас жемқорлыққа қарсы іс-қимыл агенттігінің қоғамдық кеңесі қайта жасақталды, - деп хабарлайды Tengrinews.kz сайтына сілтеме жасаған OINET.KZ тілшісі. 

Дауыс беру нәтижесінде Тұңғыш Президент - Елбасы қорының директоры қызметін атқарушы Игорь Рогов қоғамдық кеңестің төрағасы болып тағайындалғаны айтылады.  

Кеңес құрамына мүше болғандар: Мемлекеттік қызмет саласындағы Өңірлік хабтың басқарушы комитетінің төрағасы Әлихан Бәйменов, Президент жанындағы Мемлекеттік басқару академиясының ректоры Ерлан Әбіл, "Егемен Қазақстан" республикалық газеті" АҚ басқарма төрағасы Дархан Қыдырәлі, Парламент Мәжілісінің Депутаты Артур Платонов, заң ғылымдарының докторы, профессор Исидор Борчашвили, Алматы бойынша арнайы мониторинг тобының мүшесі, қоғам қайраткері Елена Митрофанова, "М. С. Нәрікбаев атындағы ҚазГЗУ университеті" АҚ басқарма төрағасы Талғат Нәрікбаев, CSI консалтинг компаниясының аға серіктесі Олжас Құдайбергенов, сондай-ақ агенттіктің екі өкілі. Бұрындары Игорь Рогов Жоғарғы сот кеңесінің төрағасы, әділет министрі, Президент кеңесшісі, Президент көмекшісі және тағы басқа қызметтерді атқарған.