Мәскеуде 96 жасқа қараған шағында Кеңестер Одағының танымал мультипликаторы, режиссер, сценарист Федор  Хитрук дүниеден өтті.  Ол 1917 жылы Тверде дүниеге келген. Оның анимацияға деген қызығушылығы ескі диснейлік туындыларды көргеннен кейін оянған екен. «Союзмультфильм» студиясында 1938 жылдан бастап еңбек етеді.

Оның қолынан ересектерге де, балаларға да арналған талай мульттуындылар шықты. Соның ішінде көпшілік көзайымына айналған «Винни-Пух» хикаясының кеңестік нұсқасын ерекше атап өту қажет. Орыстандырылған «Винни-Пух» 1969 жылы алғаш жарық көрген еді.

Федор Хитрук сондай-ақ «Каникулы Бонифация» (1965), «Фильм, фильм, фильм!» (1968), «Остров» (1973), «Икар и мудрецы» (1976), «Олимпионики» (1982), «Лев и бык» (1983) секілді мультфильмдерімен де танымал. Аниматор ретінде ол 102 фильмді, 200 шақты кейіпкерді жарыққа шығарды.

Мұрағаттан, 13.12.2012 ж