Елтаңба авторы Шота Уәлиханов өмірден өтті

Oinet.kz 31-03-2021 1046

Қазақ КСР-інің еңбек сіңірген сәулетшісі, Елтаңба авторы Шота (Шот-Аман) Уәлиханов 89 жасқа қараған шағында дүниеден өтті, деп хабарлайды Oinet.kz тілшісі.

Шота Уәлиханов.jpg

Сәулетші қайтыс болғанын мәдениет және спорт министрі Ақтоты Райымқұлова естіртті.

- Шот-Аман Уәлихановтың отбасы мен туған-туыстарына! Қазақстан Республикасы Мəдениет жəне спорт министрлігінің атынан көрнекті сәулетші, профессор, Қазақстанның еңбек сіңірген қайраткері, "Құрмет", "Парасат", "Отан", "Даңқ" орденінің иегері, Қазақстан Республикасы мемлекеттік Елтаңбасының авторы, Тəуелсіз "Тарлан" сыйлығының лауреаты, ҚР сəулетшілер, дизайнерлер, жазушылар суретшілер одағының мүшесі, бүкіләлемдік Шыңғыс хан академиясының, Шығыс елдері Халықаралық сәулет академиясының, халықаралық сəулет академиясының академигі (Ресей Федерациясы) Шот-Аман Ыдырысұлы Уәлихановтың қайтыс болуына байланысты отбасы мен жақындарының қайғысына ортақтасып, көңіл айтамын. (...) Ғибратты азаматтың асыл бейнесі, ерен еңбегі туған-туыс пен қалың қазақтың көңіл төрі мен жүрек түкпірінде мəңгі сақталады. Марқұмның көзі тірісінде жасаған игі-жақсы амалдары алдынан жарылқасын. Жатқан жері жайлы, топырағы торқа, алды пейіш, арты кеніш болсын, - деп жазды министр Instagram желісіндегі парақшасында.

Шота Уәлиханов 1932 жылы 26 сәуірде Солтүстік Қазақстан облысы Айыртау ауданы Сырымбет ауылында дүниеге келген. Қазақ КСР-інің еңбек сіңірген сәулетшісі, профессор. Қазақстан Республикасы Елтаңбасының авторы. Шоқан Уәлиханов, Шәкәрім, Тоқаш Бокиннің ескерткішін салған.

Мемлекет басшысы тағы бір заңға қол қойды
«Аңқау еді» Аяжан Еділованы соңғы рет көрген құрбылары сұқбат берді
Сәйкес тақырыптар
Көтерілу