Депутат Смағұл Нұр-Сұлтан қаласының көшесіне Жошы ханның атын беруді ұсынды

Screenshot_8.jpg

Бүгінгі мәжілістің жалпы отырысында депутат Бақытбек Смағұл премьер-министр Асқар Маминге елордадағы көшелердің біріне Жошы ханның есімін беру туралы депутаттық сауал жолдады, деп хабарлады Oinet.kz. 

«Құрметті Асқар Ұзақбайұлы! Мемлекет басшысы Қасым-Жомарт Тоқаев Парламенттің VI шақырылымының бесінші сессиясында жария еткен Қазақстан халқына жолдауында экотуризм мен этнотуризмге айрықша тоқталды. Алтын орданың 750 жылдығын төл тарихымызға мәдениетімізбен туристер назарын аудару тұрғысынан атап өткеніміз жөн екенін айтты. Бұл ретте қоғам өкілдері, ғалымдар, журналистер тарапынан Ұлы Ұлыстың негізін қалаушы Жошы хан есімін заманауи Қазақстанда ұлықтау жөнінде мәселе көтеріп келеді. Мысалы, жақында Дархан Қыдырәлінің Egemen Qazaqstan газетінде жариялаған «Ұлыстың атасы»мақаласын айтуға болады.

Осы ретте Нұр-Сұлтан қаласының көшелерінің біріне Жошы хан есімін беру және сол көше бойына Ұлыс ханның еңселі ескерткішін орнату. Ұлттық рухымызды асқақтатып, елдігімізді өз азаматтарымызға ғана емес,  елорданың әрбір қонағына паш етері сөзсіз. Алтын орданың 750 жылдығы аясында Жошы хан, Алаша хан кесенелеріне кешенді археологиялық зерттеулер жүргізген жөн. Отандық және шетелдік білікті ғалымдардың қатысуымен экспедиялар ұйымдастырып, шетелдік ақпарат құралдарында жариялау керек. Шыңғыс хан әулетінен қалған жалғыз естелік - Жошы хан кесенесін келешекте ЮНЕСКО-ның мәдени мұралар тізіміне енгізуге үлес қосуға тиіспіз. Туристер көбінесе саяхат жасағанда ЮНЕСКО тізіміне енген мұраларды қарайды», - дейді депутат.

Мүмкін сізді қызықтыратын тақырыптар:

  • Қостанай облысында 118 жас дәрігерге пәтер берілді
  • Алматыда оқушы қызды пышақпен қорқытқан азаматтың кім екені белгілі болды
  • Асқар Мамин Швецария Президентімен келіссөз жүргізді
  • Түлкібаста «Ана мен бала» монументі ашылды
  • Жамбылда лауазымды тұлға әскери билет үшін 35 мың теңге пара алған
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика