Құлсарыда  5 маусым күні жоғалып кеткен 8 жастағы қыздың мәйіті 6 маусымға қараған түні Құрсай өзенінен табылды, деп хабарлайды Oinet.kz тілшісі. 

Қызды өлтірді деген күдікпен Құлсары қаласының 36 жастағы тұрғыны ұсталды. Ол уақытша ұстау изоляторына қамалды. Аталған факт бойынша қылмыстық іс қозғалды.

Тергеу барысы полиция департаменті басшысының ерекше бақылауында.

Айта кетейік, 5 маусым күні шамамен сағат 12:00-де Кульсары қаласында 2018 жылы туған кәмелетке толмаған қыз бала үйінен шығып, қайта оралмаған.

Сағат 21:28-де оның ата-анасы полицияға жүгінген.

Жедел-іздестіру шараларының нәтижесінде 6 маусым түнгі сағат 02:19 шамасында баланың денесі Кұрсай өзенінен табылды.

Бейнебақылау камерасына қыздың Кұрсай өзенінің жағасында белгісіз ер адаммен кетіп бара жатқан сәті түсіп қалған.