Шымкентте Үндістаннан келген студент түсініксіз жағдайда қайтыс болды, деп хабарлайды Oinet.kz тілшісі. 

Студент Медициналық академияда оқып жүрген.

"Полиция ер адамның өліміне қатысты қылмыстық іс қозғады. Ешқандай зорлық-зомбылықпен өлім белгілері табылмады. Өлімнің алдын ала себебі – кенеттен жүрек тоқтауы", – делінген полиция департаменті хабарламасында. 

Жас жігіттің мәйіті өзі тұратын пәтерінен табылды.

Полиция департаменті мәліметінше, өлімнің себебін анықтау үшін сот-медициналық сараптама тағайындалды.

"Оқиғаның мән-жайын анықтауға бағытталған бірқатар жедел-іздестіру шаралары жүргізіліп жатыр", – делінген хабарламада.