Қызылордада сыныптастары жезөкшелікпен айналысуға мәжбүрлеп, ақша бопсалаған 16 жастағы мектеп оқушысы психологиялық және психиатриялық тексеруден өткен кезде дөрекілік пен қысымға ұшырағанын айтты, деп хабарлайды OInet.kz тілшісі Stan.kz ақпарат агенттігіне сілтеме жасап. 

16 жастағы жасөспірім сараптама кезінде болған жағымсыз естеліктерін айтты. Қызылордалық оқушы Түркістанға мамандармен кездесуге келген соң күйзеліске түскен.

"Мен сараптамаға жақсы көңіл-күймен келдім, себебі қандай сұрақ қойылатынын білмедім. Оған бес адам қатысты – 2 әйел және 3 ер адам. Мен әңгімемді егжей-тегжейлі айтып жатсам, бір әйел тоқтатып, "Тез айт, жұмыс уақытымыз жарты сағатта аяқталады" деді. Болған оқиғаны қалай қысқаша айта аламын? Мен сыныптастарым мен олардың туыстары не істеп жатқанын айта бастағанда, әйелдердің бірі маған сұрақ қойып, "Саған ұнады ма?" деді.  Түсінбей, қайта сұрағанымда “Сонымен саған ұнады ма?" деп дөрекі үнмен сөйледі. Содан кейін олар сұрақ қоя бастады, мені шатастырғысы келгендей болды. Мен мұның бәрі маған ұнамағанын, мені қорқытып тастағанын айттым. Сарапшылардың бірі “ұнады ма” деп қайта-қайта сұрады. Мен қорыққанымды тағы айттым", – деді бойжеткен.

Ол сыныптастарынан бөлек клиенттердің де оны қорқытқанын атап өтті. Оның әңгімесін тыңдаған мамандар жанашырлық танытпаған.

"Сарапшылар мені түсінгісі келмей, басқа сұрақтар қоя бастады. "Анаң мен әкеңе айтатын мүмкіндігің болды ғой" деді. Мен жылай бастадым, олар дөрекі түрде “шу шығарма” деп айтты. Мен “қорықтым, сол үшін ешкімге айта алмадым" дедім. Сонымен сараптама аяқталды. Мен қайда екенімді түсінбей, сол жерден кетіп қалдым. Танысым менің түрімнен қорқып, мені көлікке отырғызды. Мен көлікке жаяу бара алмайтындай күйде болдым. Анам менің жағдайымды көріп, екі сарапшы әйелге келіп "Балаларыңыз бар ма?" деп сұрады. Менің баламды мұндай күйге қалай жеткіздіңіздер?" деді, – дейді мектеп оқушысы

Оның айтуынша, ол полициямен бірге Қызылордадан Түркістанға психологиялық-психиатриялық сараптамадан өтуге барған. Полицейлер барынша қолдау көрсетіп, қызға жақсы қарым-қатынас көрсеткен.

NeMolchiKZ қоры өкілдерінің айтуынша, сарапшылар қызбен екі сағат сөйлескен.

"Қыздың анасы тамызда қыз үйге келіп, болған жағдайды айтып бергенде, осындай жағдайда болғанын айтты. Сараптамадан кейін қыздың жағдайы күрт нашарлап, артқа шегінді. Осыған дейін 1,5 ай бойы ем мен оңалту болмағандай кейіпте болды", – деп шағымданды құқық қорғаушылар.

Сарапшылар ақырында қыз қияли оқиғаны ойлап табуға бейім емес деген қорытындыға келді.

Ал басқа психиатриялық зерттеудің қорытындысында клиникалық диагноз Ыстамбұл хаттамасына сәйкес, "ICD-10 бойынша жарақаттан кейінгі стрестік бұзылыс, орташа депрессия F32.1, жедел кезең" деп қойылды.

Еске салсақ, бұған дейін Қызылордада 16 жастағы қызды сыныптастары жезөкшелікпен айналысуға мәжбүрледі деген күдікке ілінген еді. Жәбірленушінің анасы бәрі сыныптас құрбысымен жақын араласа бастаған кезде басталғанын айтты.

Бұған дейін Қызылордадағы мектеп басшылығы жұмыстан қуылғаны хабарланды.