Өз әйелі Салтанат Нүкенованы өлтірді деген айыппен күдікке алынған Қуандық Бишімбаевтың әкесі Уәлихан Бишімбаев алғаш рет көлемді сұхбат берді. Сұхбат барысында ол ұлының кішкентай кездегі фотоларын көрсетті. Бұл туралы ол ресейлік психолог Наталья Грейске берген сұхбатында көрсетілді. 

"Мен Салтанаттың өзімен сөйлестім. “Егер сендер бірге тұра алмасаңдар, бір-біріңді жайыңа қалдырыңдар. Сен үнемі Павлодарға кетемін дейсің. Онда мен апарып тастайын” деп айттым. Отадан шыққаныма қарамастан апарып тастамақ болдым. Бірақ ол маған “Мен не, ақымақпын ба? Менің пәтерім бар, жағдайымды жасап отырған күйеуім мен мейрамханам бар. Павлодарда мен ешкімге керек емеспін” деді. Мен не айтарымды білмей қалдым. “Сонда отбасының жайлылығы қайда қалды? Отбасының берекесі – әйел. Махаббат, мейірім, күйеуге деген қамқорлық қайда қалды? Күйеуің сенің жағдайыңды жасап, түзде жүреді. Оған қамқорлық жасауың керек” деп айттым", - деді Қуандық Бишімбаевтың әкесі.