Алматыда туған қызын 2 жыл бойы зорлап келген әке сотталды

Oinet.kz 12-09-2023 994

Алматыда өзінің туған қызын ұзақ уақыт бойы зорлап келген ер адам 20 жылға сотталды, деп хабарлады Oinet.kz тілшісі Azattyq Ruhy сайтына сілтеме жасап.

Screenshot_2.jpg

ҚР Қылмыстық кодексінің 120-бабы 4-бөлігімен тіркелген қылмыстық істі Алмалы аудандық полиция басқармасы тергеді.

«Іс жүргізу материалдарында 1979 жылы туған М.есімді азамат 2021 жылдан бері 2009 жылы туған кәмелетке толмаған қызымен бірнеше рет жыныстық қатынасқа түсіп, моральдық зиянмен қоса, денсаулығына да зиян келтіргені анықталды. Екі жылдан кейін қыз бала бұл туралы анасына айтқан. Ал анасы өз кезегінде полицияға арызданған.

ҚР ҚІЖК-нің 128-бабына сәйкес М.есімді азамат дереу уақытша ұстау изоляторына орналастырылды. Содан кейін сот оны қамауға алуға санкция берді. Күдіктінің кінәсі бірқатар сараптамалық зерттеулермен, жәбірленуші қыздың түсініктемесімен және тергеу әрекеттерімен дәлелденді», – деді, Алмалы аудандық полиция Басқармасының бастығы, полиция подполковнигі Олжас Шәріпов.

2023 жылғы 16 тамызда Алматы қаласының қылмыстық істер жөніндегі мамандандырылған ауданаралық сотының үкімімен М.есімді азамат ҚР ҚК-нің 120-бабы 4-бөлігінде көзделген қылмысты жасағаны үшін кінәлі деп танылып, 20 жылға бас бостандығынан айырылды.

Ақмола облысында ер адам азаматтық некедегі әйелінің қабырғасын сындырған
Шымкентте өз жерінен айырылған кәсіпкер жолды жауып тастады
Сәйкес тақырыптар
Көтерілу