Астанада әйел адам суға құлаған итін құтқармақ болып, өзі батып кете жаздады

Oinet.kz 01-02-2023 626

Астана қаласының тұрғыны мұзды суға құлап кеткен итін құтқармақ болғанда өзі суға батып кете жазды, деп хабарлайды Oinet.kz тілшісі.

Screenshot_5.jpg

Елордалық ТЖД мәліметінше, оқиға 31 қаңтарда болған.

«Таңғы сағат 9.22-де елордалық ТЖД Жедел-құтқару жасағының құтқарушылары Кенесары көшесінің ауданындағы Есіл өзенінде ит суға батып бара жатқаны туралы хабарламаға шықты.

Белгілі болғандай, әйел итімен серуендеп жүргенде, үй жануары өзенге жүгіріп шығып, мұз астына түсіп кетеді. Иттің соңынан тұра ұмтылған әйелдің әрекеті сәтсіз аяқталып, өзі де суға бата бастайды. Осы уақытта сол маңнан өтіп бара жатқан ер адам құтқарушылар келгенге дейін суға батып бара жатқан әйелді құтқарады», - делінген хабарламада.

ТЖД бөлімшелері келген кезде ит әлі де суда болған, құтқарушылар дереу итті судан шығаруға кіріскен. Құтқару операциясы сәтті аяқталып, ит иесіне табысталды.

Қазіргі кезде әйел мен үй жануарларының жағдайы жақсы, олардың өміріне еш қауіп төніп тұрған жоқ.

Алматы облысында қаңғыбас иттер мектепке бара жатқан оқушыны талап тастаған
Көкшетауда 25 жасар жігіт көпқабатты үйді жарып жібермек болды
Сәйкес тақырыптар
Көтерілу