Қызды құтқарған видеоны түсірген келіншек Сәбитке ренжіді

Oinet.kz 13-05-2022

Бірнеше күннен бері Сәбит Шонтақбаевтың ерлігі қоғамда қызу талқыланып жатыр. Ол 8-қабаттан құлап кетуге шақ қалған сәбиді құтқарып қалды. Ал оның ерлігін таспаға түсіріп алған елордалық тұрғын өз еңбегінің ескерусіз қалғанын айтуда.

Screenshot_24.jpg

Nege.kz тілшісі Бақыт Четеновамен сөйлесіп, оқиғаның қалай өрбігенін өз аузынан естіді.

– Бақыт, оқиға қалай болғанын қысқаша баяндап бере аласыз ба?

– Мен қазір декреттік демалыста отырған анамын. Сол күні күн ыстық болғандықтан терезені ашып қойғанмын. Кенет сырттан көп адамның айқайлаған дауысын естідім. Мен алғаш көргенімде, Сәбит терезеге ұмтылып жатыр екен. Дереу телефоныма жүгіріп, таспаға түсірдім. Себебі, абайсызда бала мерт болса, Сәбиттің кінәсіздігін тек видеомен дәлелдеуге болады деп ойладым. Абырой болғанда, бүлдіршін аман қалды.

Видеоны лезде, көршілердің әлеуметтік желідегі парақшасына жібердім. Сосын барлығымыз сыртқа шықтық. Сүт пісірім уақытта мен түсірген видео қоғамдық резонанстың тууына себепкер болды. Сәбит пен Сағидың үйлі болуына сол видеоның септігі тиді деп ойлаймын.

– Еңбегім ескерусіз қалды деп өкпелеген жоқсыз ба?

– Олар көптің қолынан келе бермейтін нағыз ерлік істеді. Сәбит үшін де, Сағи үшін де өте қуаныштымын. Сәбиттің үйлі болғанынан хабардар болған соң, құттықтайын деп хабарластым. Тұтқасын көтермеді. Ватсабына хабарлама жазған едім. Оқыды, бірақ жауап қайтармады. «Видеоға түсіргеніңіз үшін рақмет!» десе болды ғой. Маған ешкім алғыс айтпады.

Әйгерім Есенәлі өзінен 5 жас кіші күйеуімен ажырасып кетті
Жұлдыз Әбдікәрімова балаларды қалай тәрбиелеу керектігін айтты
Сәйкес тақырыптар
Көтерілу
×