Түрлі аурулардың пайда болуы жаңа эпидемияларға әкелуі мүмкін. Жарқанаттардың вирусты жұқтырушы болғанымен өздері неге ауырмайтыны әлі күнге дейін анықталмаған. Індеттің қалай жұғатыны да белгісіз. Ал коронавирустың мутацияға ұшырауын әлемдік зерттеушілер климаттың өзгеруімен байланыстырады, деп хабарлайды Oinet.kz тілшісі.

- Биоалуандылықтың азаюы, климаттың өзгеруі жаңа вирустардың пайда болуына әкелуі мүмкін. Батыс Африкада қайта өршіген Эбола вирусы бізге келмейді деп үміттенемін. Бұл қауіпті дерт. Әлемге таралып кетуіне жол бермеуіміз керек. Бірақ жаңа вирустар әлі де шыға береді. Сондықтан жұқпалы ауруларды мұқият зерттеу қажет деп есептейді, Пастер институтының зерттеушісі  Анн Гоффар.