Жетісай қаласының тұрғыны өзінің балаларын аяусыз ұрып-соққан. Жантүршігерлік кадрлар көрсетілген видеоны отбасының танысы "31" арнаның "Информбюро" бағдарламасына жолдаған. Онда балалар анасының ұрғанын, құлағына шанышқы тыққанын, көгерген жерлерін көрсеткен, деп хабарлайды Oinet.kz  ақпарат агенттігі.

Жетісайдың жанашыр тұрғынының айтуынша, төрт баланы тәрбиелеп отырған ана үлкендерін аямайды. Жасөспірімдер қатыгездікке шыдай алмай, бейтаныс әйелден көмек сұрады.

- Кеше олар киімсіз, жалаң аяқ маған жылап жүгіріп келді Мен оларды тамақтандырдым. Бір-екі сағаттан кейін анасы қолына таяқ ұстап келді, оларды тағы да ұруды қалады. Мен "олар жоқ" деп айттым, себебі балалар солай сұрады. Олар өлтіреді деп қорқады. Ол балаларын тамақтандырмайды, жәрдемақыны тек өзіне жұмсайды, - деді Жетісай қаласының тұрғыны.

Балалар да анасы жасаған қатыгез әрекеттер туралы айтты.

- Ол шанышқыны құлағыма тығып алды. Менің арқамда әлі де жаралар бар. Кеше таңертең ағам бізге өзі тапқан 700 теңгеге шұжық пісіріп берді, содан кейін ол маған шабуыл жасады. Біз қашып кеттік, - деді Әйгерім.

- Мен жақында жартылай жұмыс істеп, ауыр қаптарды тасып, көлік жуған кезде 3,5 мың теңге табыс таптым. Күртешеге ақша жинағым келді. Анам мені ұрып-соғып, ақшаны алды. Оқымаймыз, өйткені біз кішілерге қарап, тамақтандырамыз. Өтінемін көмектесіңіздерші! Анам үнемі өлтіремін деп қорқытады. Егер біз жыласақ, одан да қатты ұрады, - деді Болат.

Арна тілшілері әкімдік, қорғаншылық және полиция органдарының өкілдерімен бірге  отбасы тұратын пәтерге барды. Әкімдік көрген жағдайдан кейін комиссия құруға шешім қабылдады.

- Балалар интернатта оқыған, біз оларды кезекші сыныптарға жібереміз. Әйелмен қарым-қатынас жасаған мұғалімдер оның психикалық ауытқуы бар деп болжайды. Полиция анасы мен оның кішкентай балаларын іздеп жатыр. Жасөспірімдер әлі күнге дейін қамқор әйелдің жанында, бәрінен бұрын олар анасына қайтып барудан қорқады, - деді Жетісай ауданы әкімінің орынбасары Ербол Жанғазиев.