Назарбаев Зияткерлік мектептері арасында тоғызқұмалақтан спартакиада өтті

Oinet.kz 11-11-2020

2020 жылдың 3 – 6 қараша аралығында Назарбаев Зияткерлік мектептері арасында тоғызқұмалақтан ІІІ желілік спартакиада өткізілді. Биыл барлық Зияткерлік мектептерден спартакиадада 88 оқушы бақ сынады.

image.png

Ежелгі ойынның жанкүйерлері алғаш рет өз қарсыластарымен онлайн форматта, PlayOk платформасы арқылы кездесті. Бұл жылғы спартакиаданың ерекшелігі де осы. 

Тоғызқұмалақ ойыны бойынша спартакиада Назарбаев Зияткерлік мектептерінде жиі өткізіліп тұрады. Тоғызқұмалақ – шахмат,  дойбы ойындары сияқты адамнан шыдамдылықты, салқын қандылықты,  терең және логикалық ойлауды қажет ететін ақыл-ой спорты. Сондықтан да бұл жоба NIS әлеуметтік жобалары қатарында сұранысқа ие.

Спартакиада арқылы жас жеткеншектердің тоғызқұмалаққа деген қызығушылықтары жыл сайын артып, ұлттық мәдениетіміз бен дәстүрлерімізді қайта жаңғыртуға септігін тигізуде.

Бұл жылғы ойында біздің жерлестеріміз Шымкент қаласы химия-биология бағытындағы Назарбаев Зияткерлік мектебінің оқушылары жеңіс тұғырынан көрінді. Үш жастық топта 7-9 сыныптар арасында Шымкент қаласы химия-биология бағытындағы Назарбаев Зияткерлік мектебінің 7 сынып оқушысы Рысбай Әсел ІІ орынды иеленсе, құрама командалар арасында мектеп ІІІ орын қатарынан көрінді.

Тоқаев Шанхай ынтымақтастық ұйымына мүше мемлекеттер басшылары Кеңесінің отырысына қатысты
Нығматулин коронавирус туралы хабарламаны сынға алды


Сәйкес тақырыптар
Көтерілу
×