«Шенеуніктердің отбасыларына шетелде шот ашуға тыйым салынады» - Қаржы министрі

Oinet.kz 02-09-2020 739

Қаржы министрі Ерұлан Жамаубаев шенеуніктердің отбасы мүшелеріне шетелдік шоттар ашуға тыйым салынатынын айтты, деп хабарлайды Oinet.kz ақпарат агенттігі. 

image.png

- "Көлеңкелі экономикаға қарсы күрес аясында министрлік басқа да мемлекеттік органдармен бірлесіп кешенді іс-шаралар өткізуде. Көлеңкелі экономикаға қарсы іс-қимыл жөніндегі жоспар өзектендіріледі және оффшорлық юрисдикцияларға ақша аударымдары бөлігінде заңнама жетілдіріледі", - деді министр.

Ол сондай-ақ, министрлік FATF (ақшаны жылыстатуға қарсы қаржылық шараларды әзірлеу тобы) ұсыныстарын орындайтынын айтты:

мемлекеттік және квазимемлекеттік сектордың лауазымды тұлғаларына және олардың отбасы мүшелеріне шетелдік шоттарды ашуға тыйым салуды енгізу;

салық органдарының кәсіпкерлік субъектілерінен түпкілікті бенефициарлар туралы мәліметтерді алу құқығын заңнамамен бекіту.

Сондай-ақ, оның айтуынша, ЭЫДҰ елдерінің салық органдары арасында ақпарат алмасу аясында ел резиденттерінің қаржылық шоттары туралы мәліметтерге талдау жүргізу жоспарлануда.

Президенттің үкімімен 15 шенеунік лауазымымен қош айтысады
Мәжілісте үш депутаттың өкілеті мерзімінен бұрын тоқтатылды
Сәйкес тақырыптар
Көтерілу