Денсаулық сақтау министрі Алексей Цой Қазақстанда шілде айында енгізілген қатаң карантиндік шаралардың нәтижесін баяндады, деп хабарлайды 24.kz сайтына сілтеме жасаған Oinet.kz сайты.

«Шұғыл түрде қабылданған шаралардың нәтижесінде екі аптаның ішінде мынадай оң көрсеткіштерге қол жеткіздік. Бір тәулікте коронавирус жұқтырғандар саны 4-тен 2,1%-ке дейін төмендеді, жазылғандар саны 60%-ке артты, жедел жәрдем шақыру 23%-ке төмендеді, провизорлық төсек-орын – 20%, реанимациялық төсек-орынға мұқтаждық 6%-ке азайды», – деді Алексей Цой.