Парамен ұсталған шенеунік жүзіп қашпақ болды (видео)

Oinet.kz 10-07-2020

Алматы облысының Сыбайлас жемқорлыққа қарсы қызметі аталған облыстағы ҰҚК Департаментімен бірлесіп Текелі ауданы әкімі аппаратының басшысына қатысты сотқа дейінгі тергеуді бастады.

image.png

Ол "Мүгедектер қоғамы" қоғамдық бірлестігінің директорынан "Өңірлерді дамытудың 2020 жылға дейінгі мемлекеттік бағдарламасын" іске асыру аясында жүргізіліп жатқан Текелі қаласының аумағын абаттандыру туралы жасалған келісімшарт бойынша Қоғамның қызметіне жалпы қамқорлық көрсету үшін 1,5 млн теңге сомасында пара алуда күдікке ілінді.

Текелі қаласы әкімі аппаратының басшысын әшкерелеу кезінде ол өз басын қауіп-қатерге тігіп, оқиға орнынан жасырынбақ болып, өзенге секіріп, оны жүзіп өту арқылы жасырынғысы келген. Сонымен бірге, ол өзенге ағып кете жаздаған.

Алайда, ол Сыбайлас жемқорлыққа қарсы қызметтің қызметкерлерімен ұсталды.

ҚПК 201-бабына сәйкес, өзге ақпарат тергеу мүддесі үшін жариялауға жатпайды.

Бүгін Президент Үкіметтің кеңейтілген отырысын өткізеді
Мәйітхана алдында кезекте тұрған халық бүкпесіз шындықты айтты
Сәйкес тақырыптар
Көтерілу
×