Алматы қаласының қоғамдық денсаулық сақтау басқармасының басшысы Тілеухан Әбілдаев коронавирус жұқтырған алматылықтардың жағдайын айтты, деп хабарлайды Tengrinews.kz тілшісі.

Бүгінде қалада 311 науқас ем алып жатыр. Науқастардың ішінде - төрт бала мен үш жүкті әйел бар.

- "253 науқастың жағдайы қанағаттанарлық. Үшеуінің жағдайы ауыр, 55 ересек адамның жағдайы орташа ауыр", - деді Тілеухан Әбілдаев.

Сондай-ақ, провизорлық госпитальдерде 343 адам ем алып жатыр. Олардың 11-і балалар, 419 адам карантинге жатқызылса, 7 097 адам үй карантинінде.

Еске салайық, бүгінде Алматыда 370 адам коронавирус жұқтырған. Олардың 58-і аурухунадан шығарылды, екі адам қайтыс болды.