«Атамекен» ҚР Ұлттық кәсіпкерлер палатасы отандық кәсіпорындардың өнімдерін сертификаттау функциясының қайтарылуына қарсы шықты. Бұл туралы Kursiv.kz хабарлайды.  

Нұр-Сұлтан қаласында парламенттік тыңдау өтті, оның барысында Қазақстан Республикасы Парламенті Сенатының спикері Дариға Назарбаева Қазақстанда өндірілген өнімнің сертификаттау функциясын мемлекетке қайтаруды ұсынды. Ол мұны сертификаттарды алудың ұзақ мерзімдері, сондай-ақ берілген сертификаттардың мемлекеттік тапсырыс берушілер белгілейтін стандарттар мен талаптарға сәйкес келмеуімен түсіндірді.

«Бүгін Ұлттық палатаның сертификаттау мәселелері бойынша негізсіз айыптаулары нақты фактілерді көрсетпестен Қазақстан Республикасы Парламенті Сенатында айтылды. «Атамекен» ҰКП бұл тұжырымдармен келіспейді: парламенттік тыңдауға дайындық барысында Сенаттың ғимаратында жеңіл өнеркәсіп мәселелері бойынша жеті семинар өткізілді. Сонымен қатар, бизнес өкілдері қатысқан пікірталастар барысында сертификаттау мәселесі тек оң жағынан қарастырылды », - делінген "Атамекен" баспасөз қызметінің хабарламасында.

Хабарламада айтылғандай, бүгінде Ұлттық палата сегіз түрлі сертификаттарды шығарады, олардың ішінде экспорттық сертификаттар мен ST-KZ сертификаттары бар. Жыл сайын "Атамекен" жеті мыңнан астам СТ-KZ  және экспортқа 50 мыңнан астам сертификаттарын шығарады. Сертификат беру функциясын үкімет Ұлттық палатаға 2014 жылы берді.

Оқи отырыңыз: 

Дариға Назарбаева Құлыбаев басқаратын құрылымды сынады

"Атамекен" әртүрлі елдердің сауда-өнеркәсіп палаталары тауарлардың шығу тегі туралы сертификаттарды беру жалпыға ортақ халықаралық тәжірибе екенін айтады.

«Сонымен бірге, көршілес елдерде - Ресейде және Беларуссияда сертификаттарды алу мерзімі Қазақстанға қарағанда ұзағырақ және бірнеше есе қымбат», - делінген хабарламада.

Сертификаттау функциясын  беру туралы мәселені сенатор Серік Жақсыбеков көтерді, ол қазақстандық кәсіпкерлердің өндірушілер алты айға дейін өнеркәсіптік сертификатты беруді күтіп отырғандығы туралы көптеген шағымдарын атады.

Қаржы министрінің бірінші орынбасары Берік Шолпанқұлов өз кезегінде «Атамекен» ҰКП басшылығы бұл проблемалардан хабардар екенін және кәсіпорындарды сертификаттау процесін оңтайландыруға тырысып жатқандығын айтты. "Атамекен" мәліметіне сәйкес, өткен жылдың сәуір айынан бастап палата өндірістің бар-жоғын және оның қуаттылығын растайтын өнеркәсіптік сертификатты берді, бүгінде "Атамекен" 238 өнеркәсіптік сертификат берді....