Түркістанда өткен көрмеде бейбітшілік насихатталды

Screenshot_4.jpg

Бейбіт өмір салтын ұстанатын мемлекет әрқашанда өзгелер тарапынан сенімділік тудырады. Мұндай елге кез-келген турист ешқандай уайым-қайғы, күдіксіз саяхаттап келеді. Қазақстан қырып-жоюшы ядролық қарудан бас тартып, әлем елдеріне үлгі көрсеткен мемлекет. Бүгінде Қазақстанға саяхаттап келуші туристер саны артуда. 

Жақында Түркістанда «Әзірет Сұлтан» мемлекеттік тарихи-мәдени қорық-музейінің ұйымдастыруымен «Ядролық сынақ – мәңгілік жара сыздаған» атты фото көрме өтті. 29 тамыз — Бүкіләлемдік ядролық қарудан бас тарту күніне орай өткен шараға «Семей ядролық сынақ полигоны» қоғамдық бірлестігі төрағасының орынбасары Құралтай Салықбаев, аталған бірлестіктің мүшелері Сәрсенбай Сейсенбеков, Тайыр Нәбиев және «Әзірет Сұлтан» қорық-музейінің қызметкерлері мен БАҚ өкілдері қатысты.

Screenshot_5.jpg

Көрмені «Әзірет Сұлтан» мемлекеттік тарихи-мәдени қорық-музейі директорының орынбасары Мұрат Тастанбеков ашып берді. «2010 жылдың 29 тамызы – Бейбітшілік пен ядролық қатерді болдырмау үшін аса маңызды. Қазақстанның бастамасымен Біріккен Ұлттар Ұйымы Бас Ассамблеясының қолдауымен бұл күн БҰҰ-ның күнтізбесіне енгізілгені белгілі. Қазақстанның Тұңғыш Президенті — Елбасы Нұрсұлтан Әбішұлы Назарбаевтың 1991 жылғы 29 тамыздағы Жарлығымен Семей ядролық полигоны жабылды. Қазақстан – мұндай қадамға барған алғашқы ел. Көшбасшы бастама дені сау, қайғысыз болашақ үшін жасалған серпінді қадам болып тарихта қалды», — деді Мұрат Мейірбекұлы.

Шараға келген қонақтар да ядросыз бейбіт тіршілік пен әлем алдындағы айшықты қадамдар жайлы пікір білдірді.

Көрмеге ядролық сынақтың қауіп-қатері мен қасіреті, денсаулыққа тигізер зияны туралы 50-ге тарта суреттер қойылды. Көрме арқылы бейбіт өмір салты насихатталып, тұрғындарды бейбітшілікке, татулыққа шақырды. 

Мүмкін сізді қызықтыратын тақырыптар:

  • Түркістан: 2023 жылға дейін облыс орталығында 4 миллионнан аса көшет отырғызылмақ
  • «Түркістан» индустриялық аймағы 350 гектарды құрайды
  • Кәсіп етіп, нәпақа айырамын деушілерге еш қолбайлау жоқ
  • Мейманханалар қала экономикасын көтереді
  • Туристердің демалуына қолайлы жағдай жасалған
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика