Шымкент қаласында көпқабатты тұрғын үйдің бесінші қабатынан ер адам құлап кетті.  Анықталғандай ол балконды қаптау жұмыстарын жүргізіп  жатқан кезде абайсызда төмен қарай құлап кеткен,- деп жазады Оinet.kz.

 Ер адам оқиға орнында алған жарақаттары салдарынан көз жұмды. 

Қалалық Полиция департаментінің хабарлауынша, адам өліміне әкеп соққан еңбек қауіпсіздігі талаптарын бұзу дерегі бойынша қылмыстық іс қозғалды.

— Қазіргі уақытта оқиғаның барлық мән-жайын анықтауға бағытталған кешенді тергеу әрекеттері жүргізілуде. Тергеу қорытындысы бойынша заңнамаға сәйкес процессуалдық шешім қабылданады, — деп мәлімдеді ведомство.