Қазақстан бизнесті жүргізуге ең қолайлы жағдайы бар елдер қатарына кіреді. Демек, бизнеспен шұғылданғысы келген, кәсібін ашуға оңтайланып жүр­ген азаматтарға ыңғайлы жағдай бар. Мұн­дай азаматтарды қолдауға арналған мем­лекеттік бағдарламалар да көптеп қабыл­данып жатыр. Бұрынғыдай жөн-жосықсыз тексерулерге тыйым салынды. Әкімшілік кедергілер азайды. Салық ауыртпалығы қысқарды. Кәсіпкерлерге берілетін жеңілдетілген кредит көбейді. Бизнеске қолайлы орта қалыптастыруға қолбайлау болып отырған құқықтық нормалар да күшін жойып, ШОБ-ты реттеу «таза парақтан» басталмақшы. Ендігі мақсат – орта және шағын бизнестің үлесін арттырып, ел дамуын орнықтыра түсу.

Осы ретте Шымкент қаласында кәсіпкерлерге мемлекеттік бағдарламалар шеңберінде ерекше қолдау көрсетілуде. Айталық «Мен кәсіпкер боламын» бағдарламасымен қаншама тұрғын бүгінде кәсібін  дөңгелетіп отыр.  Солардың бірі  Ләззат Өмірбаева. Өткен  жылы жеке кәсіпкер "Мен кәсіпкер боламын" арнай іс-шара жоспары бойынша қаржыландырылған. Мониторингтік топ нысаналы мақсатымен субсидиялау шартының жеңілдетілген 1 пайыздық  несие берудің талаптарын сақтау бойынша жоспарлы мониторинг жүргізді.

Бүгінгі таңда ЖК "Умирбаева" киім бутиктерінің желісін ашты. Қазіргі таңда бизнесі алға басуда. Тауарға сұраныс жоғары деген кәсіпкер осындай қолдау көрсеткені үшін  сала мамандарына алғысын білдіріп, өзі секілді қыз-келіншектерге «жұмыс жоқ, қолдау жоқ» деп қарап отыра бермей әрекет етуді әрі мемлекеттің қолдауын қабыл алу керектігін айтты. 

Қазіргі заманда сән индустриясы қарқынды өзгеріп, адамдардың киімге деген талғамы да үнемі жаңарып отырады. Осындай динамикалық ортада киім бутигі кәсібі шағын бизнестің ең табысты әрі сұранысқа ие бағыттарының біріне айналды. Бутик – тек киім сататын орын ғана емес, тұтынушының өзін ерекше сезінетін, сән арқылы жеке стилін табатын кеңістік. Киім бутигін ашу – үлкен талғам мен кәсіпкерлік қабілетті талап ететін іс. Себебі бутик иесі ең алдымен мақсатты аудиторияны дұрыс анықтап, сол топтың талғамына сәйкес өнім түрлерін таңдап алуы керек. Жастарға арналған бутиктер жарқын түсті, заманауи үлгідегі киімдерді ұсынса, іскер адамдарға арналған дүкендер классикалық стильдегі сапалы материалдардан тігілген өнімдерге басымдық береді. Сондықтан әрбір бутик өз бағытын айқындап, соған сай ассортимент қалыптастырады.