Шымкентте денсаулық сақтауды дамытудың 2020-2025 жылдарға арналған жоспары аясында денсаулық сақтау саласы жыл сайын жақсарып келеді. Құжатта 4 бағыт бойынша жұмыс қарастырылған: медициналық көмекті жетілдіру, кадрлық әлеуетті дамыту, денсаулық сақтау саласын жақсарту және денсаулық сақтау ұйымдарының инфрақұрылымын дамыту.

Қалада жоспарға сай жыл сайын жаңа медициналық нысандар пайдалануға берілуде. Өткен жылы ашылған  7 медициналық нысан бүгінде  барлығы 72 мың шымкенттікке қызмет көрсетіп келеді.  Қала әкімі Мұрат Әйтеновтің айтуынша, басты мақсат – халықтың басым бөлігіне медициналық қызмет қолжетімді болуы, сондықтан жаңа медициналық мекемелер негізінен мегаполис маңындағы елді-мекендерде ашылуда. Қазіргі таңда қалада жалпы 3,5 мың орынға арналған  стационарлық деңгейдегі 15 мемлекеттік аурухана, 788 орынға арналған  25 жекеменшік аурухана бар.

2025 жылға қарай қалада тағы 5 емхана, 200 төсектік заманауи перинаталдық орталық, студенттік аурухана және 700 келушіге арналған медициналық орталық салынадыдеп күтілуде.

Денсаулық сақтау мекемелерінің материалдық-техникалық базасы да жақсарып, заманауи құрал-жабдықтар сатып алынуда. Осылайша, қалалық клиникалық балалар ауруханасына (ҚБО) ЛОР аппараты, МРТ аппараты, нейрохирургиялық микроскоп, ангиограф, сандық рентген аппарат, Clinitron төсегі, желдеткіштеі, IT жабдықтары және т.б. сатып алынған.

Өткен жылы Шымкенттегі бірінші қалалық ауруханада заманауи ангиографиялық операциялық кабинет ашылды. Соңғы заманауи құрал-жабдықтар ми қан айналымының жедел бұзылыстарын диагностикалауға және емдеуге мүмкіндік береді.

Сонымен қатар, денсаулық сақтау саласын дамытудың 2020–2025 жылдарға арналған жоспарында онлайн медициналық кеңес беруді дамыту және халықтың денсаулық сақтау сауаттылығын арттыру үшін мобильді қосымшаларды пайдалану қарастырылған.

– Жоспарда көрсетілген міндеттерді жүзеге асыру үшін бізде ресурстар мен мүмкіндіктер бар. Саланы дамытуға жеткілікті қаржы бөлініп отыр. Медициналық көмектің сапасы мен қолжетімділігіне, сондай-ақ алдын алу мен халыққа түсіндіру жұмыстарына ерекше назар аудару қажет», – деді Мұрат Әйтенов.