Келес ауданы Қошқарата ауылдық округіндегі 9 елді мекені биыл табиғи газбен қамтылады. Бүгінде құрылыс жұмыстары аяқталып, табиғи газ жүйесін «ҚазТрансГаз» АҚ теңгеріміне өткізу бойынша  атқарушы техникалық құжаттары істелуде. Қысқы жылу маусымы басталғанға дейін Алғабас, Аманжар, Мақташы, Қарабура, Жаңақоныс, Жамбыл 1 және 2,  Бәйтерек, Бесауыл елді мекендері кезең-кезеңімен табиғи газға қосылатын болады. Бұл туралы Келес ауданының әкімі Ақментай Есбаев Қошқарата ауылдық округінің тұрғындарымен кездесуде мәлімдеді. 

Қазақстан Республикасы Президентінің «Әкімдердің халықпен кездесулерін өткізу туралы» Жарлығын іске асыру аясында Келес ауданының әкімі Ақментай Есбаев ауданға қарасты ауылдық округтерінде болып, жергілікті халықпен кездесуде. Кестеге сәйкес бүгін Қошқарата ауылдық округінде болған аудан басшысы ауыл тұрғындарымен кездесіп, ұсыныс, пікірлерін тыңдап, сұрақтарына жауап берді. Кездесуге аудандық мәслихаттың хатшысы Арын Тотиков, аудандық мәслихаттың депутаттары, дербес бөлім басшылары және құрылымдық бөлімдердің өкілдері қатысты. 

Бүгінгі таңда табиғи газ құрылыс жүрген елді мекендердің ішкі көшелеріне орта жөндеу және шағал төсеу жұмыстарын жүргізуге Қошқарата ауылдық округі әкімдігі тарапынан сметалық құжаттамалары әзірленіп, жұмыстарды орындау үшін алдағы жылдың жұмыс жоспарына енгізу көзделуде. 

Қошқарата ауылдық округі аумағында биыл құрылыс жұмыстары қарқынды жүргізілмек. Атап айтсақ, Қошқарата және Жамбыл елді мекендерінде 150 орындық мәдениет үйілерінің  құрылыстары басталады. Сонымен қатар биыл Бесқұбыр елді мекені аумағынан 300 орындық С.Сейфуллин мектебінің қосымша ғимаратының құрылысы басталды. 

Кездесу барысында тұрғындар тарапы аудан әкіміне  Қошқарата ауылдық округі аумағынан ағып өтетін Келес өзенінің арналарын қию туралы, 1 Мамыр елді мекенінің шегіне енген жер телімінің ішінен саябақ, үлкен және кіші  футбол алаңдарын салу бойынша сұрақ, ұсыныстарын жолдап тиісті жауаптары берілді. 

 Кездесу соңынан аудан әкімі жеке мәселелері бойынша келген тұрғындарды қабылдап, сұрақтарына жауап берді. Жеке қабылдауға 8 тұрғын келіп, тұрғын үй, жер кезегі, мектеп формасы сынды мәселелерді аудан әкіміне қойды. Жеке қабылдау аудан орталығында орналасқан «AMANAT» партиясы Келес аудандық филиалының қоғамдық қабылдау бөлмесінде жалғасып, онда 12 азаматтың өтініштерін тыңдап, шешім жолын талқылады. 

Аудан басшысының қабылдауында болған Абай ауылының тұрғындары Адолат Бухарбаева және Мейірбек Үсенов шаруашылық жер мәселесін көтерді. Аудан әкімі аталған мәселені қарастыра келе тиісті мамандармен жұмысшы топ құрып, жердің басына барып, жолға  қажетті жерлерді зерделеп, мәселенің шешімін табуға ықпал ететінін айтты.  Алпамыс батыр  ауыл округі, Ақжол ауылының тұрғыны  Айтжанова Улзада  газ, жол мәселелері   бойынша сұрағын жолдады. Өз кезегінде аудан әкімі А.Есбаев тұрғын мәселесін қарай  келе, жол мәселесін бойынша қазіргі таңда ауыз су құрлысы жұмыстары аяқталған соң жол жөндеу жұмыстары жүретінін, ал, газ мәселесі бойынша тиісті бөлімге тапсырма беретінін түсіндірді.  Тұрғын үй жайын көтеріп келген Абай ауылының тұрғындарының мәселесін шешу мақсатында ауыл әкімшілік мамандары үйіне барып, қажетті материалдарды есептеп, демеушілер есебінен көмек берілетінін жеткізді. 

Аудан әкімінің қабылдауына жазылған тұрғындардың дені жер, ауыз су, жұмыс және жол мәселелерін көтерді. Қойылған сұрақтарды зерделей келе, тиісті жұмыстарды атқаруға жауапты сала басшыларына тапсырмалар жүктеді.