Кәсіп нәсіпке айналса – елге құт. Мемлекеттің бай-қуатты болуы деген не? Бұл – сол елде өмір сүріп жатқан әр адамның табысты болуы. Ал бизнеспен айналысу – әл-ауқатыңды жақсарту деген сөз. Еліміздің осы саланы дамытуға ерекше екпін түсіруі де сондықтан. Жалпы Түркістан қаласы бизнесті жүргізуге ең қолайлы жағдайы бар қалалар қатарына кіреді. Неге? Себебі Түркістан тарихы жер қойнауында жатқан мың ғасырлық көне қала болғанымен де, экономика тұрғысынан алғанда жас та болып есептелінеді. 

Түркістанда тамақ өнеркәсібі қазірде қарқынды қанат жайып келеді. Оған куә қалада қаз қатарынан тігіліп толоықталып келе жатқан мейрамханалар тізбегі. Иә! Туристер үзілмейтін көне шаһарда тамақ өнеркәсібі қашан да бизнес көзі болып табылады. Сондай мерамханалардың бірі "VOYAGE" келуші туристер үшін тек тамақтанатын орын ғана емес, сонымен қатар көңіл көтеретін мекенге де айналғанын мойындау керек.

"VOYAGE" мейрамханасы ең үздікті таңдайтындарға арналған. Мейрамхананың ішкі бөлігі ұстамды түсте орнатылған, жағымды фондық музыка және  мейрамхана мәзірі мен сусындары әркімнің көңілінен шығады. Ал кеш батысымен мұнда ерекше өмір басталады. "VOYAGE" белсенді адамдарға арналған сәнді барға айналады. Мұнда демалуды жақсы көретін қонақтар,  ғажайып атмосферамен бірге дәмді тағамдар, тәтті коктейльдердің дәмін тата отырып, жаңа таныстық орната алады.