Мемлекет басшысы Қасым-Жомарт Тоқаев бұған дейінгі Жолдауында:

"Синтетикалық есірткіні тұтынудың артуы ұлт денсаулығына үлкен қауіп төндіреді. Динамика күрт теріс: соңғы үш жылда айналымнан алынатын "синтетика" көлемі 10 есе өсті. Синтетикалық есірткі жыл сайын арзан әрі қол жетімді болып барады. Олар әлеуметтік желілер, мессенджерлер арқылы еш кедергісіз сатылады және тіпті үйге жеткізіледі. Осы аса қауіпті әлеуметтік аурудың ауқымын ескере отырып, синтетикалық есірткілерді өндіру мен таратуға қарсы күрес жалпыұлттық сипатқа ие болуға тиіс,-деп атап өткен болатын.

Түркістан облысы прокуратурасының үйлестіруімен полиция Департаменті ағымдағы жылдың сәуір айында есірткі заттардың заңсыз айналымының бірнеше деректерін анықтады. Бұл туралы Түркістан облыстық прокуратурасы хабарлады.

Атап айтқанда, Түлкібас ауданының «Алматы-Шымкент» тас жолында жедел іздестіру шараларының нәтижесімен 12 мыңнан астам «Трамадол» есірткі препаратымен екі азамат ұсталды.

Күдіктілерге қатысты ҚК  297-б. 3-бөлігімен сотқа дейінгі тергеп-тексеру басталды.

Сонымен қатар, Кентау қаласында синтетикалық есірткіні заңсыз жарнамалайтын граффити бояумен айналысқан күдікті ұсталды.

Аталған факті бойынша ҚК 299-1-б. 2-бөлігімен сотқа дейінгі тергеп-тексеру басталды.

Бұдан бөлек, жедел-іздестіру іс-шараларымен Жетісай ауданында әкесі мен ұлы заңсыз «көкнәр» есірткісін өсіріп жүргені анықталды.

Күдіктілердің тұрғын үйілерін тінту барысында 1 882 түб «Көкнәр» есірткі заты мен тіркелмеген «Макаров» маркалы тапаншалары және пневатикалық тапаншалар табылды.

Бұл факті бойынша ҚК 300-бабының 2-бөлігімен тергеп-тексеру басталды.

Түркістан облысының прокуратурасы ескертеді:

Есірткі заттарын сақтау, пайдалану және тарату — заңмен қатаң тыйым салынған. Мұндай әрекеттер үшін қылмыстық жауапкершілік қарастырылған.

Заңды бірге сақтайық-болашақты бірге қорғайық!