Ана мен баланы қорғау ерекше мәселе

Oinet.kz 15-04-2021 506

3.jpg

       «Қазақстан 2050» Стратегиясында Елбасы Н.Назарбаев:

-  Жаңа кезеңдегі әлеуметтік саясаттың маңызды құрамдас бөлігі ретінде ана мен баланы қорғауды жариялаймын. Ананы қорғау. Әйелдерге үндеу. Мемлекет үшін және менің жеке өзім үшін де ананы қорғау – ерекше мәселе,-деген болатын. 

Бүгінде ана мен баланың денсаулығын қорғау, күрделі ем-дом шаралары өңірлерде де жүргізілуде. Мәселен жуырда Түркістан облыстық  №3 перинаталдық орталығының дәрігерлері небәрі 1,5 кг салмақпен туылған нәрестелерді 40 күн бойы күтіп, жетілдіріп барып,  перзентханадан шығарып салды.  Бұл туралы Түркістан облысы әкімдігінің баспасөз қызметі хабарлады. Ұрпағы көбейіп, өрісі кеңейген отбасының жас ана мен шала туған шақалақтардың өмірін арашалап қалған ақ халаттыларға айтар алғысы шексіз. Дәрігерлердің айтуынша, жүктіліктің 32 –ші аптасында әйелге жедел ота жасауға тура келген. Алғаш рет ана атанған Динара Мухитованың жақындары бүлдіршіндірге Хадиша, Фатима, Захра есімдерін берген. 

Дәрігерлер аман алып қалған үш қыз мерзімінен бұрын дүниеге келіп, бір апта бойы жансақтау бөлімінде жатқан. Өкпесі дұрыс дамымай туылған нәрестелердің үшеуі бірдей жасанды тыныс алу аппаратына қосылған. №3 облыстық перинаталдық орталықтың дәрігерлерінің қатаң бақылауында болған нәрестелердің әрқайсысы осы уақыт ішінде бір келіден салмақ қосқан. Жас отбасы Түркістан облысы Кентау қаласына қарасты Қарашық ауылының тұрғындары.

«10 наурыз күні үшем дүниеге келді. Енді дүниеге келгенде нәрестелердің өкпесі дұрыс дамымай ИВЛ-апаратында жатты. Кейін 10 күннен соң жан сақтау бөлімінен ауыстырылды. Алғашқыда салмақтары – 1 кг 480 г, 1кг 180г және 1 кг 460 болды. Бүгінде сәбилердің денсаулығы жақсы», – дейді  №3 Облыстық перинаталдық орталығының сарапшы дәрігері Гульайша Ерназарова.

Айта кетсек, былтыр облыстық перинаталдық орталығында 9793 сәби дүниеге келген. Жыл басынан бері 2652 нәресте туылған. 


Екпе салдырғандардың саны артып келеді
Түркістан алғашқы бестікке кіреді
Сәйкес тақырыптар
Көтерілу