Түркістан облысында бюджет есебінен планшеттер мен компьютерлер таратылады

Oinet.kz 29-08-2020 522

128.jpg

Түркістан облысында 107 мың 138 оқушының компьютері жоқ. Оның 49 мың 261-і аз қамтылған отбасылардан шыққан балалар. Осы мәселені шешу мақсатында республикалық және жергілікті бюджет есебінен 22213 планшет пен компьютер беріледі. Сонымен қатар, «Мектепке жол» акциясы және демеушілер есебінен 13976 қосымша құрылғылар табысталады. Бұл туралы облыстық Адами әлеуетті дамыту басқармасының басшысы Рақымбек Жолаев бүгін Өңірлік коммуникациялар қызметінде өткен брифингте айтты.

Облыста қазіргі таңда 231 мың 489 оқушы компьютерлік техникамен қамтамасыз етілген. Оның 2662-і аз қамтылған отбасылардан шыққандар, жетімдер, ата-анасының қамқорлығынсыз қалған және ерекше білім беру қажеттіліктері бар балалар.  

– Қашықтықтан оқытуды ұйымдастыру үшін білім беру ұйымдары Online-mektep интернет-платформаларына 784 мектеп, Daryn – online-126 мектеп қосылды. Педагогтарға ыңғайлы болу үшін Министрлік 600 мыңнан астам сабақты, 100 мыңнан астам дайын жаттығулар мен тестілерді, бастауыш мектептің жетекші педагогтерінен бейне-сабақтарды, бейне анимацияларды және виртуалды зертханаларды алып тастады және порталдарға орналастырды. Сонымен қатар, барлық оқушылар үшін қосымша білім беру ресурсы ретінде "Балапан" және "Ел-арна" телеарналарында теле сабақтар қолжетімді болады. Одан бөлек, оқулық мәселелері де кезең-кезеңімен шешілетін болады, – деді басқарма басшысы.

Түркістан облысының онлайн оқытатын ұстаздары компьютерлермен қамтылды
Түркістан облысының ауыл шаруашылығында 6 инвестициялық жоба жүзеге асырылуда
Сәйкес тақырыптар
Көтерілу