Түлкібаста алма жинау науқаны жүріп жатыр

Oinet.kz 07-08-2020 565

53.jpg

Түркістан облысы Түлкібас ауданында жаздық алманы жинау науқаны қарқынды түрде жүріп жатыр. Шаруалар бүгінге дейін 535 тонна өнім жинап үлгерген. Бұл туралы Түркістан облысының Өңірлік коммуникациялар қызметі аудан әкімдігінің дерегіне сүйене хабароады. 

Қыркүйек айында жаппай терім, яғни күздік алманы да жинау науқаны басталады. Жалпы биыл мамандардың пайымдауынша 30 мың тонна алма теріліп, рекордтық көрсеткіш орындалады. Былтырғы жылы ауа райының қолайсыз болуына байланысты өнім көлемі 20 мың тоннаны құраған.

Ауданның 2020-2025 жылдарға арналған даму концепциясына сәйкес Түлкібастың брендіне айналған алманың өнімділігін арттыру көзделіп отыр. Осыған байланысты алма бау көлемін 760 гектарға ұлғайтып, жалпы көлемін 3355 гектарға жеткізу жоспарланған. Бұл бағытта аудан әкімдігінің тікелей ұйытқы болуымен жүйелі шаралар іске асуда. Мәселен, жыл соңына дейін жоспарға сай 100 гектар жерге алма көшеттері отырғызылуы керек болса, бүгінде соның 75 гектары игеріліп отыр.

Түркістан тұрғындары орталықтандырылған су жүйесін пайдаланады
Мақтаралда инфрақұрылым жаңартылып, іске қосылды
Сәйкес тақырыптар
Көтерілу