Қанды алғаш рет әр түрлі топқа бөлген Карл Ландштайнер болатын. 1930 жылы ашылған жаңалық медицинаға жаңа серпін әкелді. Бүгінде қан тобы әсіресе, трансплантация ғылымында ерекше маңызға ие. Қан тобына жапондықтар медицина саласында ғана емес жалпы өмірде ерекше көңіл бөледі. Күншығыс елінің тұрғындары қан тобы иесінің мінез-құлқынан хабар береді деп есептейді. 

Бірінші қан топтағылар – өз-өзіне сенімді, шешімді кесіп айтатын жандар, екінші топтағылар – іштен тынып жүретіндер, үшіншіге жататындар – зерек, адалсүйгіш, тамырында төртінші топтың қаны тулап жатқандар – сабырлы, байсалды пенделердің қатарында. Қызығы сол, жұмыс берушілер екі қолға бір күрек іздеп келген жандарды қан тобына қарай жұмысқа алады екен. Айтпақшы, масалар бірінші қан топтағы адамдарды өзгелерден көбірек «жақсы көреді» екен.