1994 жылы Калифорния клиникасына Глория Рамирес есімді келіншек ауыр жағдайда түседі. Дәрігерлер келіншекке соңғы сатыдағы жатыр мойнының обыры деген диагноз қояды.

Бір таңқаларлығы пациенттің денесі майланып тұрған, аузынан сарымсақтың иісі мүңкісе, қанынан аммиактың иісі шығып тұрған. Науқасты тексерген медицина қызметкерлері бірер сағаттан соң өздерін жайсыз сезініп, құсып, дем жетпей, естерінен тана бастаған. Осы жағдайдан кейін аурухана түгел эвакуацияланды. Бір қызығы сырқатты емдеген 34 нәзік жанды ақ халаттылар зардап шеккен, ал ер кісілерге ештеңе болмаған. Көп ұзамай Глория аурухана төсегінде қайтыс болады. Бірақ ғалымдар әлі күнге дейін бұл жағдайға нақты түсініктеме бере алмай келеді.