Кейде нан ұзақ сақталып қалса көгеріп кететені бар. Ескірген нанды жеу өмірге қауіпті. Ежелгі мысырлықтар жарамсыз азықты пайдаға жарата білген екен. 

Дененің кесілген жеріне көгерген нанды қойған. Осылайша жараның бетін залалсыздандырған. Ақылға қонымсыз болғанымен француз микробиологы Луи Пастер мұның дұрыстығын дәлелдеген. Оның зерттеуі бойынша зеңнің кейбір түрлері бактериялардың өршіп кетуіне жол бермейді екен. Яғни, нанның көгергені пенициллиннің күшімен бірдей болғаны.