Елімізде азық-түлік сәуірге дейін қымбаттамайды

Oinet.kz 03-03-2022

Әлеуметтік маңызы бар азық-түлік тауарын делдалдар әдейі қымбаттатқан. Өйткені бағаны бірден көтеретіндей тапшылық жоқ дейді сауда министрлігі.

Screenshot_20.png

КТК арнасының хабарлауынша Қазақстан өзін азық-түлік тауарларымен толықтай қамтамасыз етеді. Тұрақтандыру қорларында 27,4 мың тонна әлеуметтік маңызы бар азық-түлік сақтаулы тұр. Оның ішінде: ұн, қант, макарон, күріш, көкөніс өнімдерін жеткізуге келісімшарттар жасалды. Сауда желілері одағының дерегі бойынша, ритейлерлер қормен кем дегенде 30 күнге қамтамасыз етілген.

Яғни министрлік атап өткен келісім-шарт бойынша сәуір айына дейін әлеуметтік маңызы бар тауарлар қымбаттамауы тиіс. Дей тұрғанмен, шенеуніктер алыпсатарлардың айласына құрық бойламай тұрғанын, кішігірім дүкендерге өнім қымбатқа сатылып жатқанын мойындайды. Бассыздыққа жол бермес үшін, әкімдіктер әдеттегідей сауда үстемесін 15 пайыздан асырмауға барымызды саламыз деп белсеніп отыр.

“Айта кетейік, Тұрақтандыру қорында қазір 11,5 мың тонна ұн, 3,8 мың тонна қант, 1,5 мың тонна макарон өнімдері, 45,7 мың тонна картоп, 12,5 мың тонна пияз секілді әлеуметтік маңызы бар тауар сақтаулы”, – дейді министрлік.

Қазақстандықтардың зейнетақы жинақтарына қауіп төнді
Экономикаға қандай мамандар қажет?
Сәйкес тақырыптар
Көтерілу
×