Алдап жүр-ау кім-кімді?!

Қауіптену, күдіктену – біртүрлі.

Уатыңыз сол ойыншық жүректі,

Жұбатыңыз жүректегі бүлкілді.

Ұйқысыздық...

Таңымды ұрып ақ таңға,

Түсе алмадым Ұйқы дейтін қақпанға.

Не өзгерді Сіз мені іздеп келгенде,

Не өзгерді мен Сізді іздеп тапқанда?

Қаһарлымыз, өкпені үйіп, жындандық,

Сөйте-сөйте махаббаттан құр қалдық.

Шоршып түсті шабақтайын, құп-құйттай,

"Жүрек" деген тыпырлайды құрбандық.

Ет-сүйектен өтіп кетті дертіңіз,

Қақтайсыз ба,

Таптайсыз ба –

Еркіңіз!!!