Канадада 57 мың жыл бұрынғы қасқырдың мумиясы табылды. Оны Юкон тауы маңында алтын іздеп жүргендер кездейсоқ тауып алған. 

– Бұл – бұрын-соңды табылған қасқыр мумияларының ішінде ең ежелгісі. Мәйіт 100 пайызға жақсы сақталып қалған, тек көзі ғана жоқ»,  –  дейді ғылыми жұмыстың авторы Джули Мичен.

Бөлтірік апанның қабырғасы құлап соның астында қалып қалған көрінеді. Сол себепті өлікті  басқа жыртқыштар байқамаған. Ғалымдар геномын тексере келе оның Сібір мен Аляскада мекендеген қасқырлардың арғы атасы екенін анықтады.