Шымкенттіктер мемлекет басшысы Қасым-Жомарт Тоқаевтан қала әкімі Мұрат Әйтеновты қызметінен босатуды сұрап onlinepetition.kz сервисі арқылы петицияға қол жинауда. Олар қала әкімінің атқарған жұмыстарына риза емес деп хабарлайды Oinet.kz тілшісі.

"Құрметті Қасым-Жомарт Кемелұлы!

Біз, шымкенттіктер, Қазақстанның нағыз патриоттары ретінде бүкіл ел үшін күрделі күндері Отанымыздың мүддесін қорғаудағы қайсарлығыңыз мен батылдығыңыз үшін сізге қолдау мен алғыс білдіреміз.

Біздің мемлекетіміз үшін осы қиын кезеңде Сіз, Президент мырза, біздің туған Шымкентімізді, Қазақстанымызды шексіз сүйетін адамдарға сенім арта аласыз. Сонымен қатар, Біз Шымкент қаласының әкімі Әйтенов мырзаның тәртіпсіздіктер мен қиыншылықтар сынағынан өте алмағандығын аса зор наразылықпен атап өтеміз.

Шымкент үшін ең қиын күндері қаланың әкімі көпшілікке арналған алаңнан жоғалып, өзінің орынбасары Шыңғыс Мұқанды халыққа шығарып салды, ал ол әлі күнге дейін қала тұрғындары алдында Наурыз-2021 мерекесін өткізуге жарты миллиард жұмсағаны үшін есеп бермеген және шымкенттіктер арасында өте күмәнді беделге ие.

Бүгін Әйтенов мырза лаңкестерге өзінің қаһармандық қарсылығы туралы айтуда, бірақ оған сенім жоқ. Еліміздің үшінші мегаполисіндегі биліктің сауатты және мінсіз өкілі ретіндегі халықтың сенімін әкім Айтенов өзінің халыққа қарсы шешімдерімен баяғыда және біржола жойды.

Аталарымыз "Асар" әдісімен салған және сіз 2022 жылғы 11 қаңтарда Мәжілісте айтқан олигополияға жақын құрылыс компаниясының мүддесі үшін Әйтеновпен жойылған Ипподром; Шымкент жолдарындағы жағдайды одан әрі ушықтырған Әйтеновпен салынған және салынып жатқан көлік жол айрықтары; қала тұрғындарының күшімен салынған балалар спорт алаңын бұзу және оның орнына жеке клиника салу... Бұл Шымкент қаласының қазіргі әкімінің миллионынды қала басшысы ретінде оның толық дәрменсіздігін айғақтайтын "ерліктерінің" шағын ғана тізбесі.

Айтенов мырзаны қала әкімі қызметінен босатуды сұраймыз.

Сіздерден Шымкент қаласының әкімі лауазымына нағыз шаруашылық жүргізуші және шымкенттіктердің сенімі мен қолдауына ие дана саясаткер тағайындауларыңызды сұраймыз.

Бүкіл Қазақстан үшін қиын күндерде біздің еліміздің, халқымыздың, мемлекетіміздің нағыз патриоты болғаныңыз үшін тағы да алғысымызды білдіреміз. Біз сіздің даналығыңызға, күшіңізге сенеміз және өзара түсіністікке сенім артамыз.

Біз біргеміз!!!" - деп жазды қала тұрғындары. 

Бұл петицияны әлеуметтік желіде журналистер, блогерлер, қоғам белсенділері кеңінен насихаттап, көпшілікке таратып жатыр.