Мұрат Әйтенов болашақ кәсіпкерлерге жол сілтеді

Oinet.kz 14-04-2021 663

Screenshot_9.jpg

Үшінші мегаполис әкімі қала тұрғындарымен жиі кездесу ұйымдастырып отырады. Бүгінгі кездесу барысында келушілер сауда орталығын, жаттығу орнын, бірі көп балалы аналар мен балаларға арналған тегін оқу орталығын ашуды ұсынса, енді бірі қала ішінде жер сұрауды. Мұрат Әйтенов барлық сұраққа жауап беріп, болашақ кәсіпкерлерге жол сілтеді. 

Онлайн қабылдауда болғандардың бірі – Қаратау ауданының тұрғыны К.Сариева. Ол «Арман» спорт мүгедектерге арналған жаттығу орталығын Шымкент қаласынан ашуға жер телімін сұрайды. Ал, азаматша Г.Манабаева дүкен ашқысы келеді. Қала әкімі аталған тұрғындарға жер телімдерін «Shymkent» ӘКК АҚ арқылы аукционмен жалға алуға болытынын түсіндірді. 

Асар шағын ауданының тұрғыны Г.Масабаева «Еңбек» бағдарламасы арқылы мемлекеттік грантты жеңіп, көп балалы аналар мен балаларға арналған тегін оқу орталығын ашуды жоспарлап отыр. 

- Құжаттарыңыз комиссия қарауында. Егер, бизнес идея сәйкес емес болып құжаттарыңыз өтпеген жағдайда, бағдарлама аясында сұраныстағы мамандықтарға оқуға болады немесе ЖК, ЖШС ашып жұмыс жасаған жағдайда қоғамдық жұмысшылар жолдауға мүмкіндік бар, - деді шаһар басшысы. 

Сонымен қатар, кездесуде тұрғындар заңсыз жер телімдерінің мәселесін шешуді, аулаға балалар алаңшасын орнатып беру, үй беру мәселелерін көтерді. Мұрат Әйтенов шағымдардың әрбірін мұқият тыңдап, тиісті басқарма басшыларына тапсырмалар жүктеді.


Кәсіпкерлерге индустриалды аймақтан орын ұсынылуда
Ағаш отырғызу акциясы – Дендросаябақта
Сәйкес тақырыптар
Көтерілу