«Мемлекеттік орган қызметкерлерінің салғырттығы арқасында арандатушылар қантөгіс жасады. Олар жазаланады. Мемлекет зардап шеккендерге қолдау көрсетеді. Бейбітшілік пен келісім біздің басты байлығымыз, оны бұзуға ешкімнің құқығы жоқ!», - деп жазды Қазақстан президенті Twitter-дегі парақшасында.

Сонымен қатар Тоқаев ел азаматтарынан көптеген өтініштер келіп түсіп жатқанын алға тартты.

«Дүнген баласының бейнежазбасына назар аудардым. Жауап беремін: Менің міндетім - елімізде бейбітшілік пен келісімді қамтамасыз ету», - деп мәлімдеді мемлекет басшысы өз жазбасында.