Сенатор Бектас Бекназаров Парламенттің қателік жібергенін мойындады


 20130718111338.jpg

Сенат төрағасының орынбасары Бектас Бекназаров Парламенттің  көпбалалы аналарға мемлекеттен жәрдемақы тағайындауда көп қателіктерге жол бергенін мәлім етті. Бұл туралы otyrar.kz сайты хабарлады.

Шымкент қаласы мәслихатының депуттары және ардагерлерімен кездескен сенаторлар былтырғы жылы қабылданған заңдарға шолу жасады. Қолданысқа енгізілген 83 заңның ең өзектісі — көпбалалы аналарға мемлекет тарапынан берілетін жәрдемақы мен атаулы әлеуметтік көмек болды. О баста, бұл құжат асығыс қабылданғанын және онда кемшіліктер болғанын Сенат төрағасының орынбасары Бектас Бекназаров мойындады. «Табысын төмендету үшін адамдар түрлі айлаға барды. Бірі жұмыстан шықса, бірі жалған анықтамалар жинады. Ажырасқандардың көпшілігі осы өңірден шықты. Құжат масылдық, заңсыз әрекеттерге жол бергені де жоғары деңгейде ашық айтылды»,- деді ол.

 -Енді ондай заңсыздықтарға жол берілмейді. «Положа руку на сердце»  айтқанда, бұл Заң қабылдау кезінде Парламенттің  жіберген қателігі. Ол  түзелді. Заң көпбалалы отбасыларға берілетін көмек олардың ешқандай табыс деңгейіне байланысты емес етіп қабылданды. Бұл үлкен әділеттілік болды!-деді Бектас Бекназаров.

Қолданыстағы заңды орындау жергілікті әкімдіктерге жүктелген. Жаңа жылдан бастап барлық көпбалалы , яғни, 4 немесе одан да көп кәмелетке толмаған баласы бар отбасыларға жәрдемақы табысына қарамастан төленеді. Оның мөлшері бала санына қарай сараланады. Яғни, 4 баласы бар отбасыларға 42 500 теңге, 5 балаға – 53 125 теңге, 6 балаға – 63 750 теңге, 7 және одан да көп балаларға 74 375 теңге төленеді.

Уақтысында республиканың бірнеше өңіріндегі соттарға жетекшілік еткен, одан кейін Жоғарғы соттың төрағасы қызметін атқарған Бектас Бекназаров 2016 жылдан бергі аралықта Сенат төрағасының орынбасары болып қызмет етеді. Ал Сенат төрайымы лауазымының тізгіні Тұңғыш президенттің қызы Дариға Назарбаевның қолында екендігі белгілі.

 


Мүмкін сізді қызықтыратын тақырыптар:

  • Елордада «Халық сүйіктісі» сыйлығы кімдерге табысталды?
  • Казнетте Алатау ауданының экс-әкімін құрықтаған видео тарап кетті
  • Алматы қаласы Алатау ауданының экс-әкімі жемқорлық күдігіне ілікті
  • Прокурор Ислам Әбішевке 11 жыл сұрады
  • Украина Президенті Алексей Гончарукқа тағы бір мүмкіндік беретін болды
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика