Алматыда Bek Air әуе компаниясының ұшағы құлады. Қаза тапқандар арасында "Генералдар кеңесі" қоғамдық бірлестігінің төрағасы да бар деп хабарлайды Oinet.kz порталы zakon.kz-ке сілтеме жасап.

Әзірге әуе апатынан 14 адамның қайтыс болғаны хабарланды. Олардың жетеуінің аты-жөндері анықталған. Аты аталғандар ішінде 1940 жылы туған Генералдар кеңесінің төрағасы Рустем Хайдаров та бар.

Айта кетсек, бұған дейін төтенеше жағдайдан 9 адамның қайтыс болып, тағы тоғызы адамның жарақат алғаны хабарланған болатын.

Еске сала кетсек, бүгін 27 желтоқсанда Алматыдан Нұр-Сұлтанға бағыт алған Bek Air әуе компаниясының рейсі апатқа ұшырады.

Қайғылы жағдайға қатысты мемлекет басшысы Қасым-Жомарт Тоқаев пікір білдіріп, қаза тапқандардың туыстары мен жақындарына көңіл айтты және зардап шеккендерге көмек көрсетілетінін мәлімдеді.

Сонымен қатар Bek Air әуе компаниясының барлық рейстері тоқтатылғаны белгілі болды.

Сондай-ақ, мегаполис әкімі Бақытжан Сағынтаев қазір Алматы әуежайында жүр.

Айта кетсек, бортта жалпы саны 95 жолаушы мен 5 экипаж мүшесі болған. Зардап шеккендер үшін шұғыл желі іске қосылды. Асқар Маминнің басшылығымен арнайы үкіметтік комиссия құрылған.