Білім министрі мұғалімдер үшін аса маңызды құжат қабылданатынын айтты

Білім және ғылым министрі Асхат Аймағамбетов жыл соңына дейін мұғалімдер үшін аса маңызды құжат қабылдануы мүмкін екенін мәлімдеді, деп хабарлайды Sputnik Қазақстан сайтына сілтеме жасаған OINET.KZ.

Картинки по запросу педагог

«Біздің парламенттегі жұмысымыз әлі аяқталған жоқ. Сәтін салса, бейсенбі күні сенатқа барып, бірнеше заңды депутаттардың қарауына шығарайын деп жатырмыз. Соның ішінде "Педагог мәртебесі туралы " заң жобасы да бар. Бұл заң біз үшін маңызды, мемлекет үшін маңызды, біздің әріптестеріміз – мұғалімдер үшін аса маңызды. Сондықтан осы заң қабылданса, келесі жылы біраз шаруаны іске асырамыз», - деді Аймағамбетов журналистерге берген сұхабатында.

Министрдің айтуынша, "Педагог мәртебесі туралы " заң қабылдануы тиіс. Ол үшін сенат оны бірден екі оқылымда мақұлдауы қажет. Одан кейін заңға мемлекет басшысы қол қояды.

Білім және ғылым министрлігі "Педагог мәртебесі туралы" заң жобасын әзірлеп, мәжілістің қарауынан өткізді. Осы құжаттың негізгі бағыттары:

Халықаралық олимпиадалардың, конкурстар мен спорт жарыстарының жеңімпазын, жүлдегерін дайындаған педагогке үш лауазымдық айлық мөлшерінде біржолғы сыйақы төлеу;

"Қазақстанның еңбек сіңірген ұстазы" құрметті атағымен марапатталған педагогке 1000 еселенген айлық есептік көрсеткіш мөлшерінде (2019 жылы 2,5 миллион теңгеге тең) біржолғы төлем беру;

2021 жылдың 1 қыркүйегінен бастап мектеп мұғалімдері үшін нормативтік оқу жүктемесін 18 сағаттан 16 сағатқа дейін төмендету;

Магистр дәрежесі үшін 10 еселенген айлық есептік көрсеткіш мөлшерінде (25 250 теңге) қосымша ақы енгізу;

Ауылдық жерлерде жұмыс істейтін мұғалімдерге жеке тұрғын үй құрылысы үшін жер учаскелерін беру.

Президент Қасым-Жомарт Тоқаев алдағы төрт жыл ішінде мұғалімдердің еңбекақысын біртіндеп екі есе арттыруды тапсырды. Осылайша, келесі жылдан бастап ұстаздардың жалақысы 25 пайызға өседі.

Мүмкін сізді қызықтыратын тақырыптар:

  • Тоқаев әлеуметтік желілердің жұмысын қалпына келтіруді тапсырды
  • Тоқаев: «Ресей және Қытаймен көршілес болудың да артықшылықтары бар»
  • Атырау облысында бес вагон рельстен шығып кетті
  • Шахта өртенді
  • Ричард Хаас: «Мюнхенде Қасым-Жомарт Тоқаев маңызды ұстанымын білдірді»
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика