Нарыққа жаңа банк келмек

735CCBEC-5C56-4EC4-B4C3-444A482A459A.jpeg

Банктің жарғылық капиталы 6 миллиард 142 миллион еуроны құрайды.

Парламент мәжілісінің депутаттары Солтүстік инвестициялық банктің Қазақстандағы қызметін реттейтін келісімді ратификациялады.

Ұлттық экономика министрі Руслан Дәленовтың айтуынша, Солтүстік инвестициялық банк 1975 жылы құрылған болатын. Оған Скандинавия және Балтық елдері кіреді. Штаб пәтері Хельсинки қаласында орналасқан. Банктің жарғылық капиталы 6 миллиард 142 миллион еуроны құрайды. Осы капитал - оған мүше мемлекеттердің ақшасы. Олардың ішінде Латвия, Литва, Дания, Эстония, Исландия, Норвегия және Швеция бар. Ал банктің Қазақстанға келуі энергетика, жасыл экономика, өнеркәсіп салалары, көлік, телекоммуникациялар, ауыл шаруашалығы, денсаулық сақтау, шағын және орта бизнесті қаржыландыруға мүмкіндік береді.

"Келісім мүшелік жарналар және бюджеттен басқа да төлемдерді талап етпейді. Келісімді ратификациялау әлеуметтік-экономикалық және құқықтық салдарға әкеліп соқтырмайды", - деді Дәленов.

Министр отандық қаржы нарығына кіретін жаңа банктің қарыз беру шарттарын да айтып берді. Оның сөзіне қарағанда, осы банктен мемлекет кредит алса, жылдық мөлшерлемесі 2 процент болады.

"Ал жеке сектор кредит алатын болса, ставка шамамен 7 процент болады. Кредитті 25 жылға дейін алуға мүмкіндік бар, яғни шарттары тартымды, басқа халықаралық ұйымдарға ұқсас. Мысалы, Азия даму банкінде мемлекеттік қарыз бойынша үстемақы 2,6 процентті құрайды. Еуропа қайта құру және даму банкінде 3 процентке тең. Сосын Солтүстік инвестициялық банкінің рәсімдері тез өткізіледі және алынған қаражатты бірқатар салаға бағыттауға болады", - деді Дәленов.

Оның айтуынша, банктен қарыз алу үшін жеке секторға инвестициялық міндеттеме мен кепілдік қарастырылмаған.

"Қарызды алу кезінде кепілдік міндеті жоқ. Ешбір тәуекелге үкіметтің жауапкершілігі болмайды, тек банкке ғана қатысты", - дейді Дәленов.

Халықаралық талаптарға сәйкес, Солтүстік инвестициялық банк табыс салығынан босатылады. Соның арқасында 762 миллион теңгені үнемдейді.


Мүмкін сізді қызықтыратын тақырыптар:

  • Түркияда жер сілкінісі құрбандарының саны 31 адамға жетті
  • Асыл Қайсенова өмірден өтті
  • Мемлекет басшысы коронавирустың елімізде таралуының алдын алуды тапсырды
  • Түркияның шығысында жойқын жер сілкінісі болды
  • Қазақстандық студент Қытайдағы жағдайды баяндады
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика